krg_meeting_qubad__2014_07_01_h0m44s39__MZ

جێگری سەرۆكی حكومەت سەرپەرشتی كۆبوونەوەیەكی لەبارەی نەوت و گاز كرد

ئەمڕۆ30ـی حوزەیرانی 2014، سەبارەت بەدانانی رێوشوێنی پێویست لەسەر پرسی سوتەمەنی، قوباد تاڵەبانی جێگری سەرۆكی حكومەتی هەرێمی كوردستان، لەتەلاری سەرۆكایەتی ئەنجومەنی وەزیران، سەرپەرشتی كۆبوونەوەیەكی حكومەتی هەرێمی كوردستانی لەبارەی نەوت و گاز كرد.

ئامانجی كۆبوونەوەكە بریتی بوو لە دۆزینەوەی رێگاچارەیەك بۆ كێشەی سوتەمەنی لە هەرێمی كوردستان و تێپەڕاندنی قەیرانی ئێستای سوتەمەنی بەلەبەرچاوگرتنی رەوشی ئێستای هەرێمی كوردستان و عیراق و تەواوی ئەو ئاستەنگیانەی كەوا روبەری حكومەتی هەرێمی كوردستان و خەڵكی كوردستان دەبێتەوە.

لەم كۆبوونەوەیەدا، كە پارێزگاكان و سەرپەرشتیاری ئیدارەی گەرمیانی تێدا بەشدار بوون، دوای ئاڵوگۆركردنی بیروڕاكان، بۆ دەربازبوون و تێپەڕاندنی كێشەی ئێستای سوتەمەنی لەهەرێمی كوردستان، جێگری سەرۆكی حكومەت رایگەیاند: هەرچی زووە بەنزینی بازرگانی بكەوێتە بازاڕو بەنرخێك كە لەتوانای خەڵكدابێت و هەروەها بڕە بەنزینی هاووڵاتییان بەردەوامی هەبێت.

هەر لەم كۆبوونەوەیەدا قوباد تاڵەبانی داوایكرد مانگی رەمەزانی پیرۆزو رەوشی ئێستای هەرێمی كوردستان بەهەند وەربگیرێت و رێگا چارەی تەندروستی بۆ بدۆزرێتەوە.

هەروەها بڕیاردرا ئەولەویەت بدرێت بەهێزەكانی بەرگری كوردستان كە ئەمڕۆ لە جەبهەی پێشەوەن لە پێناو پاراستنی كوردستان، كەوا شێوازی دابینكردنی بەنزین لەرێگای پارێزگاكان نابێت، بەڵكو راستەوخۆ بەرپرسی میحوەرەكانی ئۆپەراسیۆن پەیوەندیدار دەبن و لەلایەن حكومەتی هەرێمی كوردستانەوە بەنزین و سوتەمەنیان بۆ دابین دەكرێت.

هەر لەم كۆبوونەوەیەدا بڕیاردرا بەنزینی بازرگانی بە نرخی 1250 دینار زیاتر نەبێت و نرخی بەنزین كە تا ئێستا 500دینارە هەروەكو خۆی بمێنێتەوەو بەشێوەیەك ئەم نرخانە تا دوو مانگی تر پێداچوونەوەی بۆ بكرێت

0 replies

Leave a Reply

Want to join the discussion?
Feel free to contribute!

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>