2__2015_12_22_h22m44s18__SE

كونسڵخانەی ئیتاڵیا لە هەولێر كرایەوە

ئێوارەی ئەمڕۆ 22/12/2015 لە فڕۆكەخانەی نێودەوڵەتی هەولێر، بەڕێز نێچیرڤان بارزانی سەرۆك وەزیرانی هەرێمی كوردستان، پێشوازی لە بەرێز پیترۆ گراسۆ سەرۆكی ئەنجومەنی پیرانی ئیتاڵیا و شاندێكی یاوەری كرد كە بە مەبەستی كردنەوەی كونسڵخانەی ئیتاڵیا لە شاری هەولێر، سەردانی هەرێمی كوردستانی كردووە.

دوای ڕێوڕەسمی پێشوازیكردن و پشودانێكی كورت، هەردوو بەڕێزان سەرۆك وەزیرانی هەرێمی كوردستان و سەرۆكی ئەنجومەنی پیرانی ئیتاڵیا بەرەو شوێنی ڕێوڕەسمی كردنەوەی كونسڵخانە بەڕێكەوتن و لەوێش كونسڵخانەی ئیتاڵیا بە شێوەیەكی فەرمی كرایەوە كە هەریەكە لە بەڕێزان جێگری سەرۆكی پەرلەمان و ژمارەیەك لە وەزیر و پەرلەمانتار و بەرپرسانی دیكەی هەرێمی كوردستان بەشداریان تێدا كرد.

لە ڕێوڕەسمەكەدا بەڕێز پیترۆ گراسۆ وتەیەكی پێشكەش كرد و تیایدا باسی لە چەند تەوەرێك كرد لەوانە گرنگیی كردنەوەی كونسڵخانەكەیان لە هەرێمی كوردستان و پەیوەندییە بەهێزەكانی نێوان وڵاتەكەی و هەرێمی كوردستان و ئەو سەركەوتنانەی كە هێزی پێشمەرگە بەردەوام بەرامبەر تیرۆرستان بەدەستی دەهێنێت و هاوكاریی حكوومەتی هەرێمی كوردستان بۆ ئەو ژمارە زۆرەی ئاوارە و پەنابەران كە لە ترسی تیرۆر ڕوویان لە هەرێمی كوردستان كردووە، ئامادەیی وڵاتەكەیشی لە بەردەوامیی هاوكارییەكانیان بۆ هەرێمی كوردستان دەربڕی بە تایبەتی لە بواری سەربازی و مرۆییدا.

دواتر بەڕێز سەرۆك وەزیرانی هەرێمی كوردستان وتەیەكی پێشكەش كرد و تیایدا خۆشحاڵیی خۆی بە سەردانی سەرۆكی ئەنجومەنی پیرانی ئیتاڵیا بۆ هەرێمی كوردستان و بڕیاری ئیتاڵیا بە بەرزكردنەوەی نوێنەرایەتی وڵاتەكەی لە هەرێمی كوردستان بۆ كونسڵخانە دەربڕی و بە هەنگاوێكی دڵخۆشكەر بۆ پێشكەوتنی زیاتری پەیوەندییەكانی نێوان هەرێمی كوردستان و ئیتاڵیا لە هەموو ڕوویەكەوە و پشتگیرییەكی پتەوی ئیتاڵیا بۆ گەلی عێراق بە گشتی و بە تایبەتی گەلی كوردستان وەسف كرد.

دواتر ئاماژەی بەوە دا كە هەر لە سەرەتای هێرش و هەڕەشەكانی تیرۆرستانی داعشەوە بۆ سەر هەرێمی كوردستان، بەرێز سەرۆك وەزیرانی ئیتاڵیا یەكەم سەرۆك وەزیران بوو سەردانی هەرێمی كوردستانی كرد و تیایدا جەختی لەوە كردەوە كە لە شەڕی دژی تیرۆر پشتگیریی خەڵك و حكوومەتی هەرێمی كوردستان لە هەموو ڕوویەكەوە دەكەن و هەرێمی كوردستانیش ئەو پشتگیری و پەیامە بەرز دەنرخێنێت چونكە لەو كاتەدا هەرێمی كوردستان پێویستییەكی زۆری بەو پشتگیرییە هەبوو. هەروەها سوپاسی  هاوكارییە سەربازی و مرۆییەكانی ئیتاڵیای كرد كە لە سەرەتای ئەو شەڕەوە پێشكەش بە پێشمەرگە و ئاوارە و پەنابەرانیان كردووە.

لە بەشێكی دیكەی قسەكانیدا سوپاسی ئەو ئەفسەر و سەربازانەی ئیتاڵیای كرد كە هاتوونەتە هەرێمی كوردستان و مەشق و ڕاهێنانی سەربازی بە هێزی پێشمەرگە دەكەن و جەژنی كرسمسی لە خۆیان و خانەوادەكانیان پیرۆز كرد. لە پەیامێكیشدا بۆ خانەوادەی ئەو ئەفسەر و سەربازانە، ئاماژەی بەوە دا ئەو ئەفسەرانە پشتیوانیی گەلێك دەكەن كە زیاتر لە هەزار كیلۆمەتر سنووری لەگەڵ دڕندەترین ڕێكخراوی تیرۆریستیی جیهان هەیە و شانازیش بەوەوە دەكات لە جیاتی كۆمەڵگەی نێودەوڵەتی ئەو شەڕە دەكات و پێشمەرگەش بەوپەڕی چاونەترسی و قارەمانێتییەوە بەرگری لە مرۆڤایەتی دەكات. هەروەها ئاشكرای كرد كە پەیامی گەل و حكوومەتی هەرێمی كوردستان ئەوەیە كە گەلی كوردستان و عێراق لە هەموو ڕوویەكەوە پێویستی بە هاوكاریی كۆمەڵگەی نێودەوڵەتی هەیە بۆئەوەی هەمووان بتوانن لەو شەڕەدا سەركەوتن بەدەست بهێنن.

لە كۆتاییدا جارێكی دیكە بەخێرهاتنی بەڕێز سەرۆكی ئەنجومەنی پیرانی ئیتاڵیا و شاندی یاوەری كرد. هەروەها سوپاسی كونسوڵی پێشووی ئیتاڵیای لە هەرێمی كوردستان كرد بۆ ئەو كار و ئەركانەی كە تا ئێستا ئەنجامیداون كە ڕۆڵێكی گەورەی لە پتەوتركردنی پەیوەندییەكانی نێوان هەرێمی كوردستان و ئیتاڵیا هەبووە و هیوای سەركەوتنی بۆ خواست لە كاری نوێیدا. هەروەك بەخێرهاتنی كونسڵی نوێی ئیتاڵیای كرد و هیوای سەركەوتنی لە كارەكانیدا بۆ خواست كە لە ئەفغانستانەوە بۆ هەرێمی كوردستان گواستراوەتەوە.

دواتر لە دیدارێكدا هەردوولا باسیان لە پەیوەندییەكانی نێوان هەرێمی كوردستان و ئیتاڵیا و بەرەوپێشبردنی ئەو پەیوەندیانە لە هەموو بوارەكاندا كرد و جەخت لەسەر پشتگیریی ئیتاڵیا بۆ هەرێمی كوردستان لە شەڕی دژی تیرۆرستانی داعشدا كرایەوە.

بەڕێز سەرۆك وەزیرانی هەرێمی كردستان جارێكی دیكە سوپاس و پێزانیی خەڵك و حكوومەتی هەرێمی كوردستانی بۆ پشتگیری و هاوكارییەكانی ئیتاڵیا پیشان دا و دووپاتی كردەوە كە حكوومەتی هەرێمی كوردستان بە خۆشحاڵیەوە دەڕوانێتە بەرەوپێشبردنی پەیوەندییەكانی لەگەڵ ئیتاڵیا. ڕاشیگەیاند كە هەموو دەرگاكانی هەرێمی كوردستان بۆ كار و وەبەرهێنەرانی ئیتاڵیا كراوەیە و لەمبارەیەوە هەموو ئاسانكاریەكی حكوومەتی هەرێمی كوردستانی بۆ كۆمپانیا و وەبەرهێنەرانی ئیتاڵی دووپات كردەوە.

PresidentBarzaniMeetingUSDefence17Dec15__2015_12_18_h16m31s12__HO

سەرۆكی هەرێمی كوردستان پێشوازی لە وەزیری بەرگریی ئەمەریكا كرد

دوێنێ له‌ هەولێر، بەڕێز مەسعود بارزانی سەرۆكی هەرێمی كوردستان پێشوازی لە ئاشتن كارتر وەزیری بەرگریی ئەمەریكا و شاندێكی یاوەری كرد كە پێكهاتبوو لە ژمارەیەك بەرپرس و ڕاوێژكاری وەزارەتی بەرگری و سوپای ئەمەریكا و باڵیۆزخانەی ئەم وڵاتە لە عێراق.

لە دیدارەكەدا وەزیری بەرگریی ئەمەریكا ستاییشی سەركەوتنەكانی پێشمەرگەی لە بەرەكانی شەڕ كرد كە لە ئەنجامی هەماهەنگی و كاری هاوبەشی پێشمەرگە و هێزی هاوپەیمانان هاتووەتە دی.

هەروەها باسی لەوەیش كرد كە هەرێمی كوردستان زۆر بە باشی توانیویەتی شەڕ بكات و بەرگری لەخۆی بكات و لە هەمانكاتیشدا خۆیشی بە باشی بەڕێوە ببات و ئەوەیش جێگەی سەرنجی هەموو لایەكە. داوایشی كرد هەموو لایەك سوود لە ئەزموونە گرانبەهاكانی هێزی پێشمەرگە وەربگرن لە شەڕی دژی تیرۆریستاندا.

وەزیری بەرگریی ئەمەریكا، وێڕای دووپاتكردنەوەی دۆستایەتیی و متمانەی نێوان هەرێمی كوردستان و وڵاتەكەی، ئەوەیشی بە سەرۆك بارزانی ڕاگەیاند كە بۆ تۆكمەتركردنی لێكتێگەییشتن و هەماهەنگیی نێوان هەردوولا سەردانی هەولێری كردووە و وڵاتەكەی ڕەزامەندە لەو متمانە و هەماهەنگییەی كە لەنێوان سوپای ئەمەریكا و هێزی پێشمەرگەدا هەیە.

لەبەرانبەردا سەرۆك بارزانی بەخێرهاتنی وەزیری بەرگریی ئەمەریكای كرد و سوپاسی یەكە و تیمەكانی سوپای ئەمەریكایشی كرد كە هاوكار و یارمەتیدەری پێشمەرگە بوونە و پێزانینی بۆ ماندووبوون و پەرۆشیی ئەوان هەبوو و ئاستی هەماهەنگیی نێوان هێزی پێشمەرگە و سوپای ئەمەریكای لە شەڕی تیرۆریستان بە زۆر باش وەسف كرد.

لەدرێژەی قسەكانیدا باسی لە بارودۆخی مەیدانیی بەرەكانی شەڕ كرد و جەختی لەوە كردەوە كە ئەولەویەتی گەلی كوردستان بەرگریكردنە لە خۆی و شەڕكردنە لەگەڵ تیرۆریستانی داعش و ئامادەیی هەرێمی كوردستانیشی نیشاندا بۆ هەموو جۆرە هەماهەنگی و هاوكارییەك لەگەڵ هەر لایەنێك كە شەڕی تیرۆریستان بكات. سەرۆك بارزانی باسی لە هەوڵی هەمەلایەنە كرد بۆ لەناوبردنی تیرۆر لە عێراق و جەختی لەوەیش كردەوە كە پێویستە هاوكات بیر لە چارەسەری بارودۆخی سیاسیی عێراقیش بكرێت. هەروەها ئەوەیشی بە وەزیری بەرگریی ئەمەریكا ڕاگەیاند كە هەرچەندە گەلی كوردستان لەژێر گوشاری شەڕ و قەیرانی ئابووری و بڕینی بوودجە دایە بەڵام خۆڕاگر بووە و خۆڕاگرییەكەیشی بۆ ئەوە دەگەڕێتەوە كە خاوەنی دۆزی ڕەوای خۆیەتی و لەپێناویدا تێدەكۆشێ و قوربانی دەدات.

هەر لەم كۆبوونەوەیەدا باسی بارودۆخی سیاسی و ئەمنی عێراق و سووریا و ناوچەكە بە گشتی و پلانی ئازادكردنی شاری موسڵ كرا و هەروەها چۆنییەتی بەرزكردنەوەی ئاستی هەماهەنگی و كاری هاوبەشی نێوان هێزە عێراقییەكان و ێزی پێشمەرگە و هێزی هاوپەیمانان تاوتوێ كرا..

جێگەی ئاماژەپێكردنە لەم كۆبوونەوەیەدا جێگری سەرۆك وەزیرانی حكوومەتی هەرێم و ڕاوێژكاری ئەنجوومەنی ئاسایشی هەرێم و وەزیری ناوخۆ و پێشمەرگە بە وەكالەت و سەرۆكی دیوانی سەرۆكایەتیی هەرێم و بەرپرسی فەرمانگەی پەیوەندییەكانی ده‌ره‌وه‌ی هەرێم و بریكاری وەزارەتی پێشمەرگە و جەعفەر شێخ مستەفا و فەریق شێروان عەبدولرەحمان و فەریق جەبار یاوەر ئەندامانی فەرماندەیی گشتیی هێزەكانی پاراستنی هەرێم وخاتوو به‌یان سامی عه‌بدولره‌حمان، نوێنەری حكوومەتی هەرێمی كوردستان لە ئەمەریكا ئامادە بوون.

MNR_KRG__2015_03_16_h19m3s4__SF

ڕاپۆرتی مانگانەی هەناردەکردنی نەوت بۆ مانگی تشرینی دووەمی ٢٠١٥

حکومه تی هه رێمی کوردستان بڕی ١٨،٠٢٣،٠٧٥ به رمیل نه وتی خاو (واته ٦٠٠،٧٦٩ به رمیلی رۆژانه)ی له مانگی تشرینی دووه م له ڕێی تۆڕی نه وتی کوردستان بۆ بەندەری جیهان له تورکیا هەنارده کردووه.

له کۆی ئه م بڕه ، کێلگه نه وتیه کانی هه ریمی کوردستان به ١٣،٠٢٣،٢٦٦ به رمیل نه وتی خاو (واته تێکڕای ٤٣٤،١٠٩ به رمیلی رۆژانه) به شدار بووه و کێلگه کانی که له لایه ن کۆمپانیای نه وتی باکور به ڕێوه ده بردرێن به ٤،٩٩٩،٨٠٩ به رمیل ( واته تێکڕای ١٦٦،٦٦٠ به رمیلی رۆژانه) به شداریان کردووه.

به هۆی چه ند بارو دۆخێک که له  ده ره وه ی ده سته ڵاتی هه رێمی کوردستاندایه، له مانگی تشرینی یه که م هێڵی بۆڕی هه نارده کردن بۆ ماوه ی دوو ڕۆژ له کار که وتووه که به شێوه یه کی سه ره کی له ئه نجامی کاری تێکده رانه و دزیکردن روویداوه.

له مانگی تشرینی دووه م، حکومه تی هه رێمی کوردستان به رده وام بوو له زیاد کردنی  فرۆشتنی ڕاسته و خۆی نه وتی خۆی له به ندی ری جیهان بۆ قه ره بۆ کردنه وه ی هه رێم بەرامبه ر که میی دابینکردنی بودجه له لایه ن حکومه تی فیدراڵ له به غدا.

حکومه تی هه رێمی کوردستان به رده وام ده بێت له کاردن له گه ڵ هاوبه شه کانیدا له حکومه تی فیدڕاڵی عێڕاق له پێناو گه یشتن به چاره سه رێک بۆ هه موو کێشه هه ڵواسرواه کانی په یوه ست به نه وت و غاز و له م باره یه وه حکومه تی هه رێم ده رفه تێک ده بینێت بۆ به ره و پێشچونێکی باش له باره ی گفتۆ گۆکان له داهاتووله سه ر بودجه ی فیدڕاڵی ساڵی ساڵی ٢٠١٦.

NB_Weziri_derewey_elmanya1__2015_12_08_h16m32s34__SE

نێچیرڤان بارزانی و وەزیری دەرەوەی ئەڵمانیا پێویستییەكانی قۆناغی ئێستا تاوتوێ دەكەن

نیوەڕۆی ئەمڕۆ 2015/12/8 بەڕێز نێچیرڤان بارزانی سەرۆك وەزیرانی هەرێمی كوردستان، پێشوزای لە بەڕێز فرانك ڤاڵتەر شتاینمایەر وەزیری دەرەوەی ئەڵمانیا و شاندێكی دیپلۆماسیی یاوەری كرد.

لە دیدارێكدا كە بەرێزان قوباد تاڵەبانی جێگری سەرۆك وەزیران و ژمارەیەك وەزیر و كاربەدەستانی حكوومەتی هەرێمی كوردستان ئامادەیبوون، بەڕێز شتاینمایەر دڵخۆشیی خۆی بە سەردانی هەرێمی كوردستان و ڕزگاركردنی شەنگال لەلایەن هێزی پێشمەرگەی كوردستانەوە دەربڕی و پشتگیریی خۆی و خەڵك و حكوومەتی ئەڵمانیای بۆ خەڵك و حكوومەتی هەرێمی كوردستان و پێشمەرگە پیشان دا و بەردەوامی هاوكارییە سەربازییەكانی وڵاتەكەی بۆ پێشمەرگە دووپات كردەوە.

هەروەها باسی لە قەیرانی ئابووری و هاتنی ژمارەیەكی زۆری ئاوارە و پەنابەرانی دەستی تیرۆر بۆ هەرێمی كوردستان كرد و ئاماژەی بەوە دا كە وڵاتەكەی هەوڵ دەدات كۆمەڵگەی نێودەوڵەتی لە سوككردنی ئەو بارگرانییە، هاوكاریی هەرێمی كوردستان بكات. سەبارەت بە پەیوەندییەكانی نێوان هەولێر و بەغدا و كێشە ناوخۆییەكانی هەرێمی كوردستانیش، پشتگیریی خۆی و وڵاتەكەی بۆ چارەسەركردنی سەرجەم كێشەكان بە ڕێگەی گفتوگۆ و دیالۆگ پیشان دا.

لای خۆیەوە بەڕێز سەرۆك وەزیرانی هەرێمی كوردستان سوپاسی ئەو سەردانەی كرد و هاوكارییە سەربازی و مرۆییەكانی ئەڵمانیای بۆ هێزی پێشمەرگە و ئاوارە و پەنابەران لە هەرێمی كوردستان بەرز نرخاند و هیوای خواست هاوكارییە سەربازییەكان بۆ پێشمەرگە بەپێی قۆناغی ئێستای شەڕی دژی تیرۆرستانی داعش بێت چونكە دوای ئازادكردنی شەنگال، شێوازی شەڕ گۆڕانی بەسەردا هاتووە. بە پێویستیشی زانی هاوپەیمانی نێودەوڵەتی و تەنانەت وڵاتانی دەرەوەی هاوپەیمانییەكەش زیاتر هاوكاری و هەمانگیی یەكتری بكەن بۆئەوەی بتوانرێت مەترسی تیرۆر بە یەكجاری بنبڕ بكرێت و ئاسایش و ئارامی بۆ ناوچەكە بگەڕێتەوە.

بەرێزیان هەروەها ئاماژەی بەوە دا كە هەرێمی كوردستان پێویستی بە هاوكاریی مرۆیی زیاتر هەیە بە تایبەت كە ژمارەی ئاوارە و پەنابەران ڕۆژ بە ڕۆژ لە زیادبووندایە و پێشبینیش دەكرێت دوای دەستپێكردنی ئۆپەراسیۆنی ڕزگاركردنی مووسڵ، ژمارەیان زیاتر ببێت لە كاتێكدا هەرێم بە قەیرانێكی قورسی دارایی و ئابووریدا تێپەڕ دەبێت كە ئەمە بارگرانییەكی یەكجار زۆر دەبێت بۆ سەر هەرێمی كوردستان.

دەربارەی چارەسەركردنی گرفتەكانی نێوان هەولێر و بەغدا، بەڕێز نێچیرڤان بارزانی ئاماژەی بەوە دا كە پێویستە هەموو كێشەكان بە ڕێگەی دیالۆگ و گفتوگۆ چارەسەر بكرێن. سەبارەت بە ڕەوشی ناوخۆی هەرێمی كوردستانیش ئاشكرایكرد كە دیالۆگی جددی لە نێوان لایەنە سیاسییەكانی هەرێمی كوردستاندا هەیە بە مەبەستی چارەسەر كردنی ئەو كێشە سیاسیانەی بەم دواییانە سەریان هەڵداوە.

تاوتوێ كردنی بارودۆخی ناوخۆی عێراق و ناوچەكە و پوەندییەكانی نێوان هەولێر و بەغدا لەلایەك و هەرێمی كوردستان و وڵاتانی دەوروبەر لە لایەكی دیكە، لایەنێكی دیكەی دیدارەكە بوو.

NB_Balyozi_belcika__2015_11_30_h17m39s13__SE

بەلجیكا هەوڵی دابینكردنی هاوكاریی زیاتری مرۆیی بۆ ئاوارە و پەنابەران دەدات

پاشنیوەڕۆی ئەمڕۆ دووشەممە 30/11/2015 بەڕێز نێچیرڤان بارزانی سەرۆك وەزیرانی هەرێمی كوردستان، پێشوازی لە بەڕێز هاندریك ڤان دیڤێلدا باڵیۆزی بەلجیكا لە ئوردن كرد كە هاوكات باڵیۆزی وڵاتەكەیەتی بۆ عێراق بەڵام لە ئوردن كاروبارەكانی بەڕێوەدەبات.

لە دیدارێكدا خۆشحاڵیی خۆی بە سەردانی هەرێمی كوردستان دەربڕی و دەستخۆشیی لە هێزەكانی پێشمەرگە كرد بۆ ئەو سەركەوتنانەی لە بەرامبەر تیرۆر بەدەستی هێناوە بە تایبەتی لە ڕزگاركردنی شاری شنگال لە چنگی داعش. لە هەمان كاتدا هەوڵ و تەقەلاكانی حكوومەتی هەرێمی بۆ هاوكارییكردنی ئەو ژمارە زۆرەی ئاوارە و پەنابەران بەرز نرخاند كە لە ترسی تیرۆر ڕوویان لە هەرێمی كوردستان كردووە.

لە بەشێكی دیكەی قسەكانیدا باسی لە ئاڵۆزییەكانی ناوچەكە و ڕووداوەكانی ئەم دواییەی پاریس و بەلجیكای كرد و جەختی لەوە كردەوە كە پێویستە هەموو لایەك زیاتر هاوكار و هەماهەنگ بن بۆئەوەی ڕێگری لە دووبارە بوونەوەی ئەو ڕووداوانە بكرێت و هەوڵەكان بە ئاراستەی بنبڕكردنی مەترسیی تیرۆر لەسەر ناوچەكە و ئاسایشی جیهان بن. هەروەك ئاماژەی بەوەش دا كە لە گەشتەكەیدا سەردانی كەمپەكانی ئاوارە و پەنابەران لە هەرێمی كوردستان دەكات بۆئەوەی لە نزیكەوە ئاگادری ڕەوش و پێداویستییەكانیان بێت و هەوڵیش دەدات لە ڕێگەی ڕێكخراوی یونسێفەوە هاوكاریی زیاتر بگەیەنرێتە ئاوارە و پەنابەران.

لای خۆیەوە بەڕێز سەرۆك وەزیرانی هەرێمی كوردستان سوپاسی سەردانی بەرێزیانی كرد و لە هەمان كاتدا باسی لە گرینگیی هاوپەیمانی و هەماهەنگی بۆ بنبڕكردنی مەترسیی تیرۆر كرد كە سەرتاسەری جیهانی گرتووەتەوە.

لە لایەكی دیكەی قسەكانیدا بەرێز نێچیرڤان بارزانی باسی لە بارودۆخی هەرێمی كوردستان و گرفتی ئاوارە و پەنابەران و ئەو قەیرانە دارایی و ئابوورییە كرد كە ڕووبەڕووی هەرێمی كوردستان بووەتەوە. هەروەك پتەوتر كردنی پەیوەندییەكانی هەرێمی كوردستانی لەگەڵ هەموو وڵاتانی جیهان بە تایبەتی بەلجیكا، دووپات كردەوە.

NB_Dereluk4__2015_11_19_h13m13s49__SE

نێچیرڤان بارزانی: بەردەوام ڕوومان لە ئاوەدانكردنەوەی كوردستانە

بەیانیی ئەمڕۆ پێنجشەممە 19/11/2015 بە ئامادەبوونی بەڕێز نێچیرڤان بارزانی سەرۆك وەزیرانی هەرێمی كوردستان، بەڕێزان فۆمیۆ ئیوا باڵیۆزی ژاپۆن لە عێراق و شاندێكی یاوەری و ژمارەیەك لە وەزیران و پەرلەمانتاران و بەرپرسانی ئیداری سنووری پارێزگای دهۆك، لە ڕێوڕەسمێكدا بەردی بناغەی پرۆژەی هایدرۆپاوەری 36 میگاواتی لە ناحیەی دێرەلوكى سەر بە قەزای ئامێدی دانرا كە لەلایەن ئاژانسی هاریكارییە نێودەوڵەتییەكانی ژاپۆن (جایكا)وە ئەنجام دەدرێت و لە چوارچێوەی ئەو قەرزانەی كە ژاپۆن پێشكەش بە عێراقی دەكات، پارەدار دەكرێت.

لە ڕێوڕەسمەكەدا دوای پێشكەشكردنی چەند وتەیەك لەلایەن بەڕێزان قایمەقامی قەزای ئامێدی و وەزیری كارەبای حكوومەتی هەرێمی كوردستان و باڵیۆزی ژاپۆن لە عێراق و نوێنەری كۆمپانیایەكی ڕاوێژكاری ئیتاڵی، بەڕێز سەرۆك وەزیران وتەیەكی پێشكەشكرد و تیایدا جگە لە بەخێرهێنانی بەڕێز باڵیۆزی ژاپۆن لە عێراق و سوپاسكردنی ئاژانسی جایكای ژاپۆنی بۆ بەئەنجام گەیاندن و پارەداركردنی پڕۆژەكە كە ساڵی ڕابردووش بە بەهای 120 ملیۆن دۆلار هاوكاریی ئاوارە و پەنابەرانی دەستی تیرۆری كردووە، جەختی لەوە كردەوە كە لە بارودۆخی ئێستای كوردستان ئەم قەرزە هاوكارییەكی گەورەیە و جێگەی ڕێز و پێزانینی خەڵك و حكوومەتی هەرێمی كوردستانە. هەروەك سوپاسی هەریەك لە وەزارەتەكانی پلاندانان و كارەبایشی كرد بۆ ماندووبوونیان تا ئەو پڕۆژەیەیان گەیاندە ئەم قۆناغە.

دەربارەی گرنگیی پڕۆژەكەش بۆ دەڤەرەكە ئاماژەی بەوە دا كە جیا لەوەی وزەیەكی خاوێن بۆ ژمارەیەكی زۆری خەڵكی ناوچەكە دابین دەكات، لە هەمان كاتدا ڕێژەیەكی زۆری ئاوی دەڤەرەكە لە بەفیڕۆچوون دەپارێزێت و لە پڕۆژەكانی كشتوكاڵ و ئاودێری بەكاردەهێنرێت و ڕۆڵێكی گەورەی لەم بوارەدا دەبێت. هەروەها ئەنجامدانی پڕۆژەكەی وەك وەفاداریی حكوومەتی هەرێمی كوردستانی بۆ خەبات و تێكۆشانی خەڵكی خەباتگێڕ و تێكۆشەری دەڤەرەكە قبووڵ كرد كە سەر و ماڵ و ژیانی خۆیان بۆ ئازادی و سەركەوتنی كوردستان كردۆتە قوربانی و ئەمڕۆش بەرامبەر تیرۆرستانی داعش مەردانە و بە خوێنی خۆیان بەرگری لە كوردستان دەكەن و چەندین شەهیدیان بۆ پاراستنی كوردستان داوە بۆیە شایەنی هەموو شتێكن كە بۆیان بكرێت.

لە بەشێكی دیكەی قسەكانیدا بەڕێزیان تیشكی خستە سەر ئەو قەیرانانەی كە ڕووبەڕووی هەرێمی كوردستان بوونەتەوە وەك شەڕی داعش و قەیرانی دارایی و بڕینی بودجەی هەرێم لەلایەن بەغداوە و دابەزینی بەهای نەوتی خاو لە بازاڕەكانی جیهاندا و ئاماژەی بەوە دا كە جێبەجێكردنی پڕۆژەیەكی وەها لەناو ئەو هەموو قەیرانانەدا، حەز و ئارەزووی گەلی كوردستان بۆ ژیان و پێشكەوتن و ئاوەدانكردنەوە لە ڕۆژە سەختەكاندا پیشان دەدات هەروەك ئەوەش دەسەلمێنێت كە هیچ هێزێكی تاریكی هەرچەند دڕندە بێت، ناتوانێت ئیرادەی گەلی كوردستان بۆ پێشكەوتن و ئاوەدانكردنەوە و جوانكردنی ژیان بوەستێنن.

دەربارەی شكستەكانی تیرۆرستانی داعشیش لە بەرامبەر هێزی پێشمەرگە، بەڕێز سەرۆك وەزیران تیشكی خستە سەر ڕزگاركردنی شاری شەنگال لە دەستی تیرۆرستان كە بە سەرپەرشتی ڕاستەوخۆی بەڕێز مەسعود بارزانی سەرۆكی هەرێمی كوردستان و پشتیوانی هێزی ئاسمانی هاوپەیمانان بە تایبەتی ئەمەریكا ئۆپەراسیۆنەكە ئەنجامدرا و بەهۆیەوە گورزێكی سەربازی و لۆجیستیكی جەرگبڕ لە تیرۆرستانی داعش درا و گەورەترین پردی پەیوەندی و پشتگیری داعشی لە نێوان سوریا و عێراق بڕی و سەركەوتێكی گەورەش بوو بۆ هەرێمی كوردستان كە دەبێتە هۆی گۆڕینی نەخشەی سیاسی و سەربازیی ناوچەكە و لەسەر ئاستی جیهانیش دەنگدانەوەیەكی یەكجار زۆری هەبوو.

جەختی لەوەش كردەوە كە ئێستا شەنگال پێویستی بە ئاوەدانكردنەوەیە و ئەمەش كارێكی نەتەوەیی و نیشتمانیی حكوومەتی هەرێمی كوردستانە و لە هەمان كاتدا كارێكی ئاسان نییە. بۆ ئەم مەبەستە حكوومەتی هەرێمی كوردستان پلانێكی هەمەلایەنە بۆ ئاوەدانكردنەوەی شەنگال ئامادە دەكات و هەموو هەوڵێكی خۆی دەخاتە گەڕ بۆئەوەی ئەم شارە لە جاران باشتر ئاوەدان بكرێتەوە، بەڵام لە بارودۆخی ئێستادا بۆ ئەنجامدانی ئەم ئەركە گەورەیە، ئەوان پێویستیان بە هاوكاریی نێودەوڵەتی و وڵاتە كۆمەكبەخشەكان بە شێوەیەكی گشتی و بە تایبەتی حكوومەتی عێراق هەیە و بە پێویستییشی زانی حكوومەتی عێراق لەم ڕووەوە ئەركی خۆی جێبەجێ بكات و داوای لە هەموو لایەنە ناوخۆ و نێودەوڵەتییەكان كرد هاوكاریی حكوومەتی هەرێمی كوردستان بكەن لە ئاوەدانكردنەوەی شەنگالدا و داوای لە حكوومەتی ژاپۆنیش كرد لەم ڕووەوە هاوكاریی حكوومەتی هەرێم و خەڵكی شەنگال بكات. هەروەك داوای لە پەرلەمانی عێراقیش كرد لە بارەی قەرزی نوێی ژاپۆن بۆ عێراق، ڕەزامەندی لەسەر بەشی هەرێمی كوردستان لەو قەرزە بدات. ئەوەشی بیرهێنایەوە كە بەر لە داگیركردنی شەنگال لەلایەن تیرۆرستانی داعشەوە، حكوومەتی هەرێمی كوردستان بە سەدان ملیۆن دۆلاری بۆ پرۆژە خزمەتگوزارییەكانی ئەو دەڤەرە تەرخان كردووە و كەرتی تایبەتیشی هانداوە پرۆژە لە دەڤەری شەنگال ئەنجام بدەن.

هیوای ئەوەشی خواست وەك شەنگال هەموو دەڤەرەكانی دیكەی هەرێمی كوردستان و عێراق لە نزیكترین كاتدا لە دەستی تیرۆرستانی داعش ڕزگار بكرێن و خەڵكی ئەو دەڤەرانە كە ئێزدی و مەسیحی و شەبەك و توركمان و عەرەبن، بگەڕێنەوە سەر ماڵ و حاڵی خۆیان و دەست بە ژیانێكی نوێ بكەنەوە و لەمبارەیەشەوە ئەوەی لە توانای حكوومەتی هەرێمی كوردستاندا بێت هاوكار خەڵكی دەڤەرەكە دەكات.

لە كۆتایی وتەكەیدا هیوای خواست بەمەبەستی ئەنجامدان و دانانی بەردی بناغەی پڕۆژەی زیاتر لە دەڤەرەكە، بە دیداری خەڵكی ناوچەكە شادبێتەوە و سەری ڕێز و نەوازشی بۆ گیانی پاكی شەهیدانی كوردستان دانەواند كە بە سایەی خەبات و خوێنی ئەوان كوردستان ئازاد دەكرێت و لە قۆناغی داهاتووشدا ئاوەدان دەكرێتەوە و هاوخەمی و هاوسۆزی خۆی بۆ كەسوكاری شەهیدان پیشان دا و هیوای چاكبوونەوەشی بۆ پێشمەرگە بریندارەكان خواست. هەروەها هاوسۆزی و هاوخەمی خەڵك و حكوومەتی هەرێمی كوردستانی بۆ كەسوكاری هەردوو قوربانیانی ژاپۆنی (كینجی گۆتۆ ، هاروونا یۆكاوا) دەربڕی كە سەرتای ساڵ لەلایەن تیرۆرستانی داعشەوە بە شێوەیەكی زۆر دڕندانە شەهید كران.

هەروەها سوپاسی كۆمپانیای ڕاوێژكاریی ئیتاڵی و كۆمپانیاكانی زۆزك و فرابی ئێرانی و هاوبەشە ئیماراتییەكانی كرد بۆ بە ئەنجام گەیاندنی ئەم پڕۆژەیە و هیوای خواست هەروەك كارە سەركەوتووەكانی پێشوویان، ئەم پڕۆژەیەش بە شێوەیەكی سەركەوتوو بە ئەنجام بگەیەنن.

ئەمە دەقی وتاری بەڕێز نێچیرڤان بارزانی سەرۆك وەزیرانی هەرێمی كوردستانە:

ئامادەبوو یێت بەڕێز، مێهڤانێت قەدر گران،
ڕۆژا وە خۆش، هوین هه‌مى لایەك بخێربێن سەر سەر و سەر چاڤا..

ده‌سپێكا ڤێ ڕێوڕه‌سمێ، من دڤێت ب خۆشحالیڤه‌ بخێرهاتنه‌كا تایبه‌تا ڕێزدار فۆمیۆ ئیوا باڵیۆزێ ژاپۆنێ ل عیراقێ و مێهڤانێن دگه‌لدا بكه‌م، كو ئه‌ڤڕۆ ب تایبه‌تى بۆ به‌شداریا ڕێوڕه‌سما دانانا به‌رێ بنیاتى بۆ پرۆژێ هایدرۆپاوه‌رێ 36 مێگاواتى ل دێره‌لۆكێ یێ دگه‌ل مه‌دا بەشدارن، بخێر بێن سەر چاڤا.

هه‌روه‌سا من دڤێت سپاسیا ژاپۆنێ و ب تایبه‌تیش ئاژانسا هاریكارى یێن ناڤنه‌ته‌وه‌یى یێن ژاپۆنێ ـ جایكا ـ بكه‌م كو بۆ ئه‌نجامدانا ڤێ پرۆژێ، د چارچۆڤا وان قه‌رزادا یێن كو داینه‌ عیراقێ،هاریكاریا حكوومه‌تا هه‌رێما كوردستانێش یا كرى و پاره‌یێ پێویست بۆ ئه‌نجامدانا ڤێ پرۆژێ ب قه‌رز هاتیە دانان. دو سالێن چووییش ب بهایێ نێزیكى 120 ملیۆن دۆلاران ب ڕێكا ئاژانسێن یوو ئێن، هاریكاریا ئاواره‌ و په‌نابه‌را ژلایێ جیاكا ڤە هاتیە كرن ئەم سوپاسیا وان دكەین.

د ڤێ ڕه‌وشا نۆكه‌ یا هه‌رێما كوردستانێدا، ئه‌ڤ قه‌رزه‌، هاریكارییه‌كا مه‌زنه‌ و جهێ ڕێز و پێزانینا حكوومه‌ت و خه‌ڵكێ كوردستانێ یه‌. هه‌روه‌سا من دڤێت سپاسیا وه‌زاره‌تا پلاندانانێ و وه‌زاره‌تا كاره‌بایێ یا حكوومەتا هەرێما كوردستانێ بكەم، كو لسه‌ر ڤێ پرۆژێ گه‌له‌ك ماندى بوون هه‌تا گه‌هاندینه‌ قۆناغا ئه‌ڤرۆ و دانانا به‌رێ بنیاتى.

ئه‌ڤ پرۆژه‌، كو ب پترى 165 ملیۆن دۆلارا دێ هێته‌ ئه‌نجامدان،  دێ خزمه‌ته‌كا مه‌زنا خه‌لكێ ڤێ ده‌ڤه‌رێ كه‌ت. ژلایه‌كیڤه‌ دێ ئه‌نه‌رژییه‌كا پاقژا به‌دیل و كاره‌بایێ بۆ هه‌ژماره‌كا مه‌زنا خه‌لكێ ده‌ڤه‌رێ دابین كه‌ت، ژ لایه‌كێ دیڤه‌ش ڕێژه‌یه‌كا مه‌زنا ئاڤا ڤێ ده‌ڤه‌رێ، چ ئاڤا چه‌م و كانى و ڕویبارا بیت، یانیش ئاڤا به‌فر و باران و له‌هیا بیت، دێ پارێزێت و دێ بۆ گه‌له‌ك پرۆژێن ئاڤدان و ئاڤدێریێ، مفایه‌كێ به‌رچاڤ ل ڤێ پڕۆژێ هێتە وەرگرتن و دێ ڕۆله‌كێ گرنگ بۆ ڤه‌ژاندنا كه‌رتێ چاندن و كشتوكالێ ل ده‌ڤه‌رێ گێڕیت.

ئه‌ڤ پرۆژه‌، دگه‌ل هندێ كو هه‌وجه‌دارییه‌كا پێویست یا ده‌ڤه‌رێ یه‌، هه‌روه‌سا وه‌فاداریا حكوومه‌تا هه‌رێما كوردستانێ یه‌، بۆ خه‌بات و تێكۆشین و ماندیبوینا خه‌لكێ خه‌باتگێڕ و تێكۆشه‌رێ ڤێ ده‌ڤه‌رێ، كو ب درێژیا هه‌مى شۆڕه‌شێن كوردستانێ، به‌رده‌وام پێشمه‌رگه‌ بووینه‌ و سه‌ر و مال و ژیانا خۆ، بۆ ئازادى و سه‌ركه‌فتنا كوردستانێ، كرینه‌ قوربانى.

ئه‌ڤڕۆش مێرخاس و عه‌گیدێت ڤێ ده‌ڤه‌رێ، گه‌له‌ك مه‌ردانه‌ به‌رامبه‌رى تیرۆرستا ڕاوه‌ستیانه‌ و، یێ به‌ڕه‌ڤانیێ ل كوردستانێ دكه‌ن و ب خوینا خۆ یێ ده‌ستكه‌فتى یێن هه‌رێما كوردستانێ دپارێزن. لبه‌ر هندێ، خه‌لكێ ڤێ ده‌ڤه‌رێ، هێژایى گه‌له‌ك و گه‌له‌ك خزمه‌ت و پرۆژێن هۆسا و یێن مه‌زنتریشه‌‌. ئه‌م هیڤیدارین كو پاشه‌ڕۆژه‌كا نه‌یا دویر، دێ گه‌له‌ك پرۆژێن دى ل ڤێ ده‌ڤه‌رێ و گه‌له‌ك ده‌ڤه‌رێن دى یێن كوردستانێ ئه‌نجام ده‌ین.

ئاماده‌بوویێن هێژا..

دانانا به‌رێ بنیاتى بۆ پرۆژه‌یه‌كێ هۆسا یێ مه‌زن، دڤێ ڕه‌وشا ئالۆزا كوردستانێدا، كو ژ لایه‌كیڤه‌ شه‌ڕه‌كێ دژوار ل سه‌ر كوردستانێ هاتیه‌ سه‌پاندن، ژ لایه‌كێ دیڤه‌ش‌ نێزیكى ملیۆنەك و حەفتسەد هزار ئاواره‌ و په‌نابه‌را به‌رێ خۆ دایه‌ كوردستانێ، دگه‌ل وێ قه‌یرانا دارایى یا كو ل ئه‌نجامێ بڕینا بودجا كوردستانێ ژ لایێ حكوومه‌تا عیراقێڤه‌ و كێمبوونا بهایێ نه‌فتێ چێ بووى، د ڕه‌وشه‌كا هۆسادا، ئه‌نجامدانا ڤێ پرۆژێ، په‌یامه‌كا گرنگه‌ و نیشانا وێ هندێ یه‌ كوردستان و گه‌لێ كوردستانێ، د ڕۆژ و ڕه‌وشێن هه‌ره‌ ته‌نگ و تاریشدا، ڤیان و حه‌زكرن و ئیرادا خۆ بۆ ژیانێ و، بۆ پێشڤه‌برنا ژیانێ و ئاڤاكرنا وه‌لاتێ خۆ، لده‌ست ناده‌ت.

ئه‌نجامدانا كار و پرۆژا و، خه‌بات و تێكۆشین و قه‌هره‌مانى یا پێشمه‌رگه‌ و كوڕ و كچێن وه‌لاتێ مه‌، نیشان و په‌یامه‌كا ڕۆن و ئاشكرایه‌ كو چ هێزێن تاریێ، چ ڕێكخستنێن تیرۆرێ و چ دوژمنێن مرۆڤاتیێ، هه‌رچه‌ند هۆڤ و دڕه‌نده‌ بن، نه‌شێن ئیرادا ملله‌تێ مه‌ بشكێنن. نه‌شێن كاروانێ كوردستانێ بۆ به‌ره‌ڤ پێشڤه‌چوونێ، ئاڤاكرنێ و جوانكرنا ژیانێ، ڕاوه‌ستینن، كورد و كوردستان دێ بەردەوام بیت.

خه‌لكێ كوردستانێ، ملله‌ته‌كێ زندییه‌، ملله‌ته‌كێ خودان ئیراده‌ و مرۆڤدۆست و ژیاندۆسته‌، عاشقێ ئاڤاكرن و ئاڤه‌دانیێ یه‌، لبه‌ر هندێ، دگه‌ل هه‌مى زه‌حمه‌تى و ئاسته‌نگیاش، ئه‌م دێ هه‌ر له‌سه‌ر ئاڤاكرن، بنیاتنانێ و ئاڤه‌دانكردنێ به‌رده‌وام بین. به‌رێ مه‌ به‌رده‌وام هه‌ر دێ ل ئاڤاكرنا وه‌لاتى و خزمه‌تكرنا خه‌لكێ كوردستانێ بیت.

مێهڤانێت هێژا:

هوین هه‌مى دزانن كو هه‌فتیا چوویى، ب مێرخاسیا پێشمه‌رگه‌یێن قه‌هره‌مان و ب سه‌رپه‌رشتیا ڕاسته‌وخۆ یا جه‌نابێ سه‌رۆك بارزانى و ب پشتگیریا هێزێن هه‌ڤپه‌یمانا و ب تایبه‌تیش هێزێن ئه‌سمانى یێن ئه‌مه‌ریكا، شنگال و ده‌وروبه‌رێن وێ، ژ ده‌ستێ تاوانكار و تیرۆرستێن داعشێ هاتنه‌ ئازادكرن. ڕزگاركرنا شنگالێ ده‌ربه‌كا مه‌زنا له‌شكه‌رى و لۆجستیك بوو ب تیرۆرستێن داعشێ كه‌فت. ڤێ سه‌ركه‌فتنێ مه‌زنترین ڕێك و هێلا داعشێ یا په‌یوه‌ندى و پشته‌ڤانیێ لناڤبه‌را سووریێ و عیراقێ ب تەمامەتی بڕى.

هه‌روه‌سا سه‌ركه‌فتنه‌كا مه‌زن بوو بۆ هه‌رێما كوردستانێ كو دێ ب شێوه‌یه‌كێ به‌رچاڤو بۆ خزمه‌تا كوردستانێ گه‌له‌ك نه‌خشه‌ و هه‌ڤكێشه‌یێن سه‌ربازى و سیاسیش ل ده‌ڤه‌رێ گۆڕێت. داستانه‌كا دى یا مه‌زن یا پێشمه‌رگا بوو، كو ئه‌ڤرۆ بوویه‌ جهێ ڕێز و سه‌ربلندیێ و سیمبۆله‌كا مه‌زنا كوردستانێ ل سه‌رانسه‌رى جیهانێ.

ڕزگاركرنا شنگالێ دویماهى نینه‌. شنگال یا برینداره‌ و دڤێت ئه‌م برینێن وێ ده‌رمان بكه‌ین. ئاڤه‌دانكرنا شنگالێ، كار و ئه‌ركه‌كێ مه‌زنێ نه‌ته‌وه‌یى و نیشتمانییه‌ و تشته‌كێ ب ساناهیش نییه‌. حكوومه‌تا هه‌رێما كوردستانێ ده‌ست پێكریه‌ و دێ پلانه‌كا هه‌مه‌لایه‌ن بۆ ئاڤه‌دانكرنا شنگالێ ئاماده‌ كه‌ت. دێ هه‌مى هه‌ولێن خۆ ده‌ت كو ئه‌ڤ باژێڕه‌ ژبه‌رێ باشتر بێته‌ ئاڤه‌دانكرن، لێ بێگومان دڤێ ڕه‌وشا نۆكه‌دا بۆ ڤى ئه‌ركێ مه‌زن، ئه‌م هه‌وجه‌دارى هاریكاریا ناڤنه‌ته‌وه‌یى و وه‌لاتێن كۆمه‌كبه‌خش بگشتى و، هه‌روه‌سا حكوومه‌تا عیراقێینه‌‌.

هه‌روه‌سا ئه‌م هیڤیدارین ژاپۆن وه‌ك وه‌لاته‌كێ كۆمه‌كبه‌خش كو پشتى سالا 2003ێ ڕۆڵه‌كێ به‌رچاڤ بۆ ئاڤه‌دانكرنا عیراقێ گێڕایه‌، بۆ ئاڤه‌دانكرنا شنگالێش هاریكاریێ بكه‌ت. هه‌ر لێره‌ داخازێ ل په‌رله‌مانێ عیراقێ دكه‌م، كو د بابه‌تێ قه‌رزێ نوى یێ ژاپۆنێدا بۆ عیراقێ، ڕه‌زامه‌ندیێ له‌سه‌ر به‌شێ هه‌رێما كوردستانێ ل ڤى قه‌رزى بده‌ت.

بۆ ڤێ چه‌ندێ داخازێ ژ جڤاكا ناڤنه‌ته‌وه‌یى و حكوومه‌تا عیراقێ دكه‌ین كو بۆ ئاڤه‌دانكرنا شنگالێ، هاریكاریا پێویست بۆ هەرێما كوردستانی و خه‌لكێ شنگالێ و ده‌ڤه‌رێ بكه‌ن. تڤیا حكوومه‌تا عیراقێ ئه‌ركێ خۆ بجى بینیت و بۆ ئاڤه‌دانكردنا شنگالێ و خه‌لكێ شنگالێ هاریكاریێ بكه‌ت.

حكوومه‌تا هه‌رێما كوردستانێ، به‌رى داگیركرنا شنگالێش، ب بهایێ سه‌دان ملیۆن دۆلاران، كار و پرۆژه‌ د گه‌له‌ك وارێن جدایێن ژێرخان و خزمه‌تگوزارى یێن گشتى و په‌روه‌ردێدا ل شنگالێ ئه‌نجام داینه‌، هاریكاریا شنگالێ كریه‌ و كه‌رتێ تایبه‌تیش هان دایه‌ كو ل وێرێ پرۆژا ئه‌نجام بده‌ت.
هیڤیدارین كو وه‌كى شنگالێ، ب زویترین ده‌م هه‌مى ده‌ڤه‌رێن دى یێن هه‌رێما كوردستانێ و عیراقێش ب گشتى ژ ده‌ستێ ڕه‌شێ داعشێ بێنه‌ ئازادكرن، داكو خه‌لكێ وا ده‌ڤه‌راش، هه‌ڤوه‌لاتى یێن مه‌ یێن ئێزدى، مه‌سیحى، شه‌به‌ك، توركمان و عه‌ره‌ب ڤه‌گه‌ڕێنه‌ڤ سه‌ر جى و مال و حالێن خۆ و ژیانه‌كا نوى ده‌ست پێبكه‌نه‌ڤه‌. ئێش و كۆڤانێن چوویى، هێدى هێدى دگه‌ل ئاڤه‌دانكردنێ و چاندنا هیڤى و ئومێدا بۆ ژیانه‌كا نوى، سڤك ببن. بۆ ڤێ چه‌ندێش حكوومه‌تا هه‌رێما كوردستانێ دێ هه‌مى هه‌ولێن خۆ ده‌ت و چ ژ ده‌ستێ مه‌ بێت، خه‌مساریێ ناكه‌ین.

ل دویماهیێ، جاره‌كا دى بخێرهاتنه‌كا گه‌رما هه‌وه‌ هه‌میا و ب تایبه‌تى مێهڤانێ مه‌ ڕێزدار باڵیۆزێ ژاپۆنێ ل عیراقێ دكه‌م. سپاسى و ده‌ستخۆشیێ ل وه‌زیر و وه‌زاره‌تێن په‌یوه‌ندیدار و هه‌مى وا كۆمپانیا دكه‌م ئه‌وێن كو دێ ڤێ پرۆژێ ئه‌نجام ده‌ن. هیڤیا سه‌ركه‌فتنێ و كاره‌كێ سه‌ركه‌فتى بۆ وان دخازم. هیڤیدارم كو ئه‌م گه‌له‌ك جارێن دى بۆ دانانا به‌رێ بنیاتى و ئه‌نجامدانا گه‌له‌ك ڕێوڕه‌سمێن دى یێن وه‌كى ڤێ ڕێوڕه‌سمێ، دگه‌ل هه‌وه‌ شاد ببینه‌ڤه‌.

سوپاسییەكا تایبەتی ژی ژبۆ كۆمپانیا ئیتاڵی كو كارێ ڕاوێژكاری بۆ ڤێ پڕۆژێ ئەنجام دای و سوپاسیا كۆمپانیا زۆزك دكەم و هیڤیدارم ب باشترین شێوە ڤی پڕۆژی جی بجی بكەن و سوپاسیا كۆمپانیا فاراب یا ئیرانی و هەڤبەشێن وێ یێت ئیماراتی دكەم و هیڤیدارم ئەڤ پڕۆژەیە ب شكلەكێ باش و ڕێكوپێك بهێتە جی بجی كرن. بێ شك ڕابردوویا كۆمپانیا فاراب وێ یەكێ نیشان ددەت كو بەری نۆكە كارێن گەلەك باش و ڕێكوپێك ئەنجام داینە و هیڤیداران ڤێ پڕۆژێ ژی ب شكلەكێ سەركەتی ئەنجام بدەت.

سلاڤ و ڕێز، دروود و نه‌مرى بۆ گیانێ پاقژێ شه‌هیدێن كوردستانێ، كو ب سایا خوین و خه‌باتا وان، ئه‌ڤرۆ بوهست بوهست و گاڤ ب گاڤ كوردستان یا تێته‌ ئازادكرن و سبه‌یش دێ هێته‌ ئاڤه‌دانكرن. ئه‌م سه‌رێ خۆ لبه‌ر مه‌زنى و پیرۆزییا گیانێ وان دچه‌مینین. هه‌ر ب ڤێ هه‌لكه‌فتنێ، ئه‌م هه‌ردو قوربانى یێن ژاپۆنى “كینجى گۆتۆ و هاروونا یۆكاوا” ببیر تینین، كو ده‌سپێكا سالێ ب شێوه‌كێ هۆڤانه‌ ژئالیێ داعشێڤه‌ هاتنه‌ شه‌هیدكرن، ئه‌مهه‌ڤسۆزێن مالباتێن وانین.

هه‌مى لایه‌ك جارەكا دی بخێربێن سەرچاڤا و پیرۆزە ل وە و ئەم چاڤەڕێی پڕۆژێت مەسترین ژبۆ دەڤەرا وە، چونكی دەڤەرا وە شایستەیا پڕۆژە و كارێن زێدەترە.

بخێربێن سەرچاڤا و زۆر سپاس.