ap_obama_presser_kb_131009_16x9_992

سەرۆکی ووڵاتە یەکگرتووەکانی ئەمریکا لێدوان سەبارەت بە ڕەوشی عێراق دەدات

/0 Comments/in , /by

٨ی ئابی ٢٠١٤، سەرچاوە-کۆشکی سپی

 سەرۆکی ووڵاتە یەکگرتووەکانی ئەمریکا فەرمان بە ئەنجامدانی دوو پرۆسە دەدات -”هێرشی ئاسمانی دیاریکراو بۆ پاراستنی کەسانی ئەمریکی، وە پرۆسەی یارمەتیدانی مرۆیی بۆ ڕزگارکردنی هەزاران یەزیدی کە لە شاخی شەنگار بەبێ نان و ئاو ڕووبەڕووی مەرگ دەبنەوە”.

وەک چۆن لە مانگی حوزەیرانی ڕابردوودا ئۆباما باسی لە پێشڕەویەکانی ڕێکخراویی تیرۆرستی داعش کردبوو لە عێراق-وە ئەگەری ئەوەی کاتێک کە ئەمریکا بە پێویستی بزانێت، ئەواپرۆسەی سەربازی دیاریکراو ئەنجامدەدات. لەم ڕۆژانەی دواییداو بە بەرفراوانبوونی چالاکیەکانی ئەم گروپە تیرۆریستیە لەسەرتاسەری عێراق -ئەمریکا بە پێویستی دەزانێت بەرپەرچی هەر مەترسیەک بداتەوە لەسەر کارمەندانی مەدەنی و عەسکەری خۆی، بە تایبەت ئەگەری هەر مەترسیەک لەسەر هەولێر.

ئۆباما لە لێدوانەکەی دوێنی شەویدا ڕایگەیاند کە”بۆ ئەوەی هەر نزیک بوونەوەیەک بەرەو هەولێر ڕابگرین، فەرمانی ڕاستەوخۆم داوە بە سوپا کە هەستن بە ئەنجامدانی کاری سەربازی دیاریکراو، ئەگەر بارودۆخەکە پێویست بکات. ئێمە چاو کراوە دەبین، ئەگەر ئەم تیرۆریستانە هەڕەشە بکەنە سەر کارمەندان و دامەزراوەکانمان لەهەر شوێنێک بێت لە عێراق، بە کۆنسوڵخاانەمانەوە لە هەولێر وە باڵێۆزخانەمان لە بەغداد. هەروەها ئێمە یارمەتی خێرای حکومەتی عێراق و هێزە کوردیەکان دەکەین تاوەکو چالاکانە دژی داعش بجەنگن”.

دووەم لەسەر داواکاری حکومەتی عێراق- دەستمانکردووە بە پرۆسەی یارمەتیدانی خەڵکانی سیڤیل-پاش ئەوەی ڕێکخراویی داعش هەستاوە بە هەڵمەتێکی بێ بەزەییانە دژ بە خەڵکی بێ تاوانی عێراق. بە تایبەت کە تیرۆریستان هەستاون بە کاری بەربەڕیانە دژ بە کەمە نەتەوایەتییەکان، مەسیحی و یەزیدیەکان-کە کەمە نەتەوەیەکی ئاینیی کۆنن، ژمارەیەکی زۆریان لێ ئاوارە بووە. وە ڕاپۆرت هەیە لەسەر ئیعدامکردنی بە کۆمەڵی یەزیدیەکان و بە کۆیلەکردنی ژنان.

لەم ڕۆژانەی ڕابردوودا یەزیدیەکان لە ژێر مەترسی ئەم ڕێکخراوەدا ڕایانکردووەتە سەر چیای شەنگار، بە هەزاران-بگرە بە دەیان هەزار، لەترسی گیانی خۆیان. ئێستاش لەبەردەم مەترسی مردندان بە بێ نان و ئاو لە چیای شەنگار، یان هاتنە خوارەوەو کوشتنیان لەلایەن داعشەوە.

ئۆباما ئەوەی ڕوونکردەوە کە ناکرێت هەموو جارێک ئەمریکا تەداخول بکات، کاتێک لە جیهان کێشەیەک ڕوودەدات، بەڵام لەم بارەی ئێستادا کە دەکرێت، ئەوا هەڵدەستن پێ ی. بە تایبەت کە دەتوانن ئەگەری مەترسی کۆمەڵکوژیەک بەدوور بگرن. هەروەها ئەوەشی ڕوونکردەوە کە یارمەتی ئاسمانی بە شێوەی خواردن و ئاو لە ئێستاوە بەڕێوەیە بۆ سەر شاخی شەنگار.

ئۆباما ئەوەی ڕوونکردەوە کە بە ڕاوێژکردن لەگەڵ نەتەوەیەکگرتووەکان و هاوپەیمانەکانیان ئەم کارە دەکەن، وە وەک چۆن ئەمریکا هەڵگری بەهای بەرزن- بەو شێوەیەش هاوکاری مرۆڤایەتی و هاوپەیمانەکانیان دەکەن. ئەوەشی ڕوونکردەوە کە پرۆسەی سیاسی عێراق بە دەستنیشانکردنی سەرۆک کۆمار و سەرۆکی پەرلەمان،وە بەم زووانەش سەرۆک وەزیران، پێویستیەکە کە بتوانێت عێراقیەکان لە ژێر یەک پرۆسەی گشتگیر کۆبکاتەوە تاوەکو جیاوازیەکانیان کەمبکەنەوەو بەیەکەوە کاربکەن.

KRG_Special_Logo_01__2009_10_30_h2m15s48__HA

حکومەتی هەرێمی کوردستان ڕەوشی ئاسایش و بارودۆخی مرۆیی بۆ دیپلۆماتە بیانیەکان ڕووندەکاتەوە

/0 Comments/in , /by

فەرمانگەی پەیوەندیەکانی دەرەوەی حکومەتی هەرێمی کوردستان و وەزارەتی پێشمەرگە دیپلۆمات و نێردە بیانیەکان لە سەر ڕەوشی ئاسایش و پێشهاتە مرۆیی و سیاسیەکان ئاگادار دەکەنەوە.

بەرپرسی فەرمانگەی پەیوەندیەکانی دەرەوەی حکومەتی هەرێمی کوردستان، فلاح مصطفى ، سوپاسی ئامادەبوونی دیپلۆماتە بیانیەکانی کرد وە  هەستا بە ڕوونکردنەوەی ئەو مەترسیەی کە ڕێکخراویی داعش دروستی دەکات لە سەری هەرێمی کوردستان و عێراق و سەرتاسەری ڕۆژهەڵاتی ناوەڕاست. ئەوەی بۆ ڕوونکردنەوە کە بۆ داعش “هەر کەسێک کە بە هەمان شێوەی ئەوان بیرنەکاتەوە بە دوژمنی دەزانن. ئەوان دژ بە بنەما سەرەتاییەکانی مرۆڤایەتین.”

ئەوەشی پێڕاگەیاندن کە کورد “شەڕی ڕێکخراوێکی تیرۆریستی دەکات کە ئەندامەکانی لەسەرتاسەری جیهانەوە هاتوون، وە ئەمەش هەڕەشەیە بۆ هەمووان.شەڕکردن دژی داعش تەنها بەرپرسیارێتی هەرێمی کوردستان نیە. تیرۆر پرسێکی نێودەوڵەتیە، لەبەر ئەمەش کۆمەڵگای نێودەوڵەتی ئەرکی ئەوەی لەسەر شانە کە هاوکاری حکومەتی هەرێمی کوردستان بکات لە جەنگدا دژی داعش.”

فلاح مصطفى ئەوەی بۆ دیپلۆماتەکان ڕوونکردەوە کە پێویستە خێرا داوا لە ووڵاتەکانیان بکەن بۆ هەنگاونان.” ئێمە سوپاسگوزاری زۆرمان لە کۆمەڵگای نێودەوڵەتیەوە بەدەستگەیشتووە لەسەر باوەشکردنەوە بۆ ئاوارەکانی دەرەوە و ناوەوەی عێراق و جەنگ دژی ڕێکخراوێکی تیرۆرستی داعش. ئێستا کاتی ئەوەیە کە کۆمەڵگای نێودەوڵەتی بەرەو پێشەوە هەنگاو بنێت، بەشێوەیەکی خێرا، بۆ پێشکەشکردنی هاوکاریی مرۆیی و هاوکاریی سەربازی، بە تایبەت پاڵپشتی ئاسمانی.”

جەبار یاوەر، قسەکەری وەزارەتی پێشمەرگە، دیپلۆماتکارانی لەسەر پێشهاتە نوێیەکان ئاگادارکردەوە. هەروەها پێویستی هاوکاری سەربازی خێرای بۆ هێزی پێشمەرگەی کوردستان خستەڕوو، پێی ڕاگەیاندن کە “پێش پاشەکشەی هێزەکانی ئەمریکاو زۆر پێش لە کەوتنی شاری موسڵ، سەد هەزار سەربازی عێراقی و، بیست هەزار سەربازی ئەمریکی و هێزی پێشمەرگە هەمووان بەیەکەوە هێڵی نێوان هەرێمی کوردستان و باقی عێراقیان دەپاراست، کە نزیکەی 1050 کیلۆمەترە. بەداخەوە، ئێستا هێزی پێشمەرگە بەتەنها و بە چەک و تەقەمەنی و کەرەستەی سنوردار هەموو ئەو ناوچانە دەپارێزێت”.

بەرپرسی فەرمانگەی پەیوەندیەکانی دەرەوە باسی لە کارەساتی مرۆیی کرد کە لە چیای شەنگار ڕوودەدات، وە داوای لە کۆمەڵگای نێودەوڵەتی کرد بە پەلە هاوکاریی مرۆیی و ئاسمانی بگەیەننە هەزاران خێزان کە لەو شاخانە ئاوارە بوون. هەروەها باسی لە گرژیەکانی نێوان هەولێر و بەغدا کرد،”حکومەتی فیدراڵ بەشە داهاتی هەرێمی کوردستانی نەناردووە، کە ئەمەش شکاندنی دەستوری عێراقە. لە کاتێکدا کە پرۆسەی سیاسی عێراق لە جێگەی خۆی ماوەتەوە”.

کۆنسوڵی ووڵاتی میسر،سەردەستەی کۆنسوڵە بیانیەکان،لە جیاتی هەمووان سوپاسی حکومەتی هەرێمی کوردستانی کرد بۆ ئەم ڕوونکردنەوانە. وە لە کۆبوونەوەکەدا، چەندین دیپلۆماتکار و نوێنەر بیروڕایان گۆڕیەوە لەسەر پێشهاتە نوێیەکان.

شایانی باسە کۆبوونەوەکە بە ئامادەبوونی دیپلۆماتکارانی ووڵاتانی میسر، فەڕەنسا، ڕوسیا، ئوردون، فەڵەستین، ووڵاتە یەکگرتووەکانی ئەمریکا، تورکیا، ئەڵمانیا، پۆڵەندا، هۆڵەندا، ئێران، ئیتالیا، ڕۆمانیا، بەریتانیا، کۆریا، یابان، ئیمارات، چیک، هەنگاریا، یۆنان، نەتەوەیەکگرتووەکان، نوێنەری ڕێکخراویی ئەوروپی بۆ هاوکاریە مرۆییەکان و بەرپرسانی باڵای فەرمانگەی پەیوەندیەکانی دەرەوەی حکومەتی هەرێمی کوردستان ئەنجامدرا.

President_Barzani_Mhabad__2012_02_19_h23m34s19__DK__2013_08_19_h13m18s27__MZ

پەیامێك لە سەرۆكی هەرێمی كوردستان

/0 Comments/in , /by

بەناوی خودای بەخشندە و میهرەبان

جەماوەری سەربەرزی كوردستان

گەلی كوردستان لەسەر كولتووری ئایینپارێزی و فرەئایینی و پێكەوەژیان ڕاهاتووە و تەعەدای لەكەس نەكردووە و بە درێژایی مێژوو تەنیا بەرگریی لەخۆی كردووە. بەڵام دوژمنان وازیان نەهێنا و هەر جارە و بەشێوەیەك دەیانەوێ زیان بە گەلەكەمان بگەیێنن. لەدوای ڕوووداوەكانی موسڵ كوردستان تەنیا بەرگریی لەخۆی كرد بەڵام تیرۆریستان كەوتنە شەڕفرۆشتن و پەلاماردانی كوردستان و ڕووداوە ناخۆشەكانی ئەو چەند ڕۆژەی ڕابردووی لێ كەوتەوە. بۆیە بڕیارمان دا لە دۆخی بەرگری بێینەدەر و هەتا دوایین هەناسە شەڕی تیرۆریستان بكەین. فەرمانمان بە هێزەكانی پێشمەرگە و لایەنە پەیوەندیدارەكان كردووە بە هەموو توانایەك پەلاماری تیرۆریستان و دوژمنانی خاك و خەڵكی كوردستان بدەن.

ڕووداوەكانی ئەم دواییەی دەڤەری زوممار و شنگال و ئەو كارەساتەی بەسەر خوشك و برا ئێزیدیەكانمان هاتووە دڵتەزێنە و گەلی كوردستان لەوە دڵنیا دەكەینەوە كە دەستبەرداری بستێك لە خاكی كوردستان نابین و شنگال و خوشك و برا ئێزیدییەكانمان وەك گلێنەی چاومان دەپارێزن و چیای شنگال بە خۆڕاگری و سەركەشی دەمێنێتەوە. ئەو بەشە ئازیز و ڕەسەنەی گەلەكەمان هەر سەربەرزە و ئەركی تاك تاكی ئێمەیە شكۆیەكەی بپارێزین.

تیرۆر پرسێكی جیهانییە و ڕووبەڕووبوونەوەی هەوڵێكی نێودەوڵەتی پێویستە. چەندین ساڵە كوردستان قوربانیی هەڕەشەی تیرۆر و تیرۆریستان بووە و جێگەی داخە كە ئێمە تەنیا بووین و كەس یارمەتیی گەلی كوردستانی نەداوە لەدژی تیرۆر بەرگری لەخۆی بكات. لەگەڵ ئەوەیشدا لەشەڕی تیرۆر و شەڕانگێزیدا پشتمان بە گەلی كوردستان و هێزەكانی پێشمەرگە و دەزگە ئەمنییەكانی كوردستان بەستووە و هەمیشەیش پابەندی بنەماكانی ئازادیخوازی و كولتووری ڕەسەنی پێكەوەژیان و لێبووردەیی كوردستانی بووین و ئەوە خاڵی بەهێزی سەركەوتنمانە بەسەر دوژمن و دڵڕەش و تیرۆریستاندا.

لە بەرەبەیانیی ئەمڕۆوە ڕۆڵە قارەمانەكانمان هێرشیان بۆ سەر تیرۆریستان دەستپێكردووە و لەپێشڕەوییدان. دوا لە خەڵكی كوردستان و لایەنە سیاسییەكان و میدیا كوردستانییەكان دەكەم بە ورەی بەرز و بەوپەڕی چاوكراوەیی و هەست بەبەرپرسیارێتی مامەڵە لەگەڵ دۆخەكەدا بكەن و زیاتر لە هەر كاتێك یەكڕیزیی نیشتیمانی و نەتەوەیی بپارێزن. پێشمەرگە قارەمانەكانیش لەوە دڵنیا دەكەمەوە كە گەلی كوردستان بە هەموو توانایەك پاڵپشتی هێزی پێشمەرگەن و چاویان لە ورەی پۆڵایین و گیانفیدایی و قارەمانێتیی ئێوەی سەربەرزە.

لە كۆتاییدا سوپاسی خۆڕاگریی هەموو خەڵكی كوردستان و پێشمەرگە قارەمانەكان و هێزە خۆبەخشەكان و خانەوادەی سەربەرزی شەهیدان دەكەم و لەوە دڵنیا بن كە ئاییندەیەكی گەش چاوەڕوانی گەلی كوردستانە.

بژی كوردستان
نەمری بۆ شەهیدانی ڕێگەی ئازادی

مسعود بارزانی
سەرۆكی هەرێمی كوردستان
٤ـی ٨ـی ٢٠١٤

10599517_747855451939103_4234679488877174235_n

ڕێکخراوی توندڕەوی داعش دەستی ڕەشی دەگەیەنێتە شارۆچکەکانی زوممار و شەنگال

/0 Comments/in , /by

لە ڕووداوەکانی ئەم چەند ڕۆژەی ڕابردوودا لە ناوچەکانی زوممار و شەنگال ، کاتێک کە ڕێکخراوی توندڕەوی داعش هێرشی کردووەتە سەر خاک و ئاوی کوردستان، بۆ سەر برایانی یەزیدی، کە لە ئەنجامدا بووەتە هۆی ئاوارەبوونی هەزاران خێزان بە ژن و منداڵ و پیر و گەنجەوە بۆ شارەکانی دهۆک و هەولێر و تەنانەت هەندێک لە ناچاریدا پەنایان بردۆتە بەر چیاکانی دەڤەری شەنگال.

هەرچەندە کە گەلی کوردستان ڕاهاتووە لەسەر فرە کەلتوری و پێکەوەژیانی فرەئاینی و بە هیچ شێوەیەک دەسترێژی نەکردۆتە سەر خاکی گەلانی تر، بەڵام ئەم هێزە تاریکانە دوا جار بە شێوەیەکی نامرۆڤانە هێرشیان کردووەتە سەر ئەم ناوچانەی کوردستان و سەرەڕای ئاوارەبوون، چەندین گەنجیان کوشتووەو، دەسترێژیانکردۆتە سەر زۆر لە پێوەرە مرۆڤایەتیەکان!

لە ئەنجامی ئەم ڕووداوانەدا سەرۆکایەتی هەرێمی کوردستان بەپێویستی زانیوە کە چیتر لە باری بەرگریدا نەمێنێتەوە بەرامبەر بەم هێزانە، بۆیە بڕیار دراوە کە تا دوایین هەناسە شەڕی تیرۆریستان بکرێت. هەروەها حکومەتی هەرێمی کوردستان و خەڵکی شارەکانی کوردستان ئەوپەڕی هەوڵی خۆیان خستووەتە کار بۆ بە هانەوەچوونی کوردانی ئەم ناوچانە و باوەشی خۆیان بۆ کردوونەتەوە.

پێویستە لەسەر کۆمەڵگای نێودەوڵەتی کە بەباشی ئاگاداری ئەم بارودۆخە گرانە بێت و بە زوویی بەدەم ئەم ڕووداوەوە بچێت، چونکە پرسی تیرۆر پرسێکی نێودەوڵەتیەو سنورەکان دەشکێنێت و مەترسیەکان ئەگەر ئەمڕۆ لە ناوچەیەکدا بن، بە بەردەوامی کات و بێدەنگی دەکرێت زیاتر مەترسیدارتر بێت و بۆ زۆر شوێنی جیهان پەلبکێشێت، لەبەرئەوە هەر هەنگاوێکی جدی باش کە زوو بنرێت، زۆر باشترە.